2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Loftslagsbreytingar eru staðreynd“

Í nýrri grein á vef Umhverfisstofnunnar er skrifað um alvarleika loftslagsbreytinga undir yfirskriftinni „alvarleg áhrif ef ekki verður gripið í taumana“.

 

Þar segir að greinin sé birt í ljósi þess að margt fólk virðist draga það í efa að hlýnun jarðar af mannavöldum sé raunveruleg.

„Í ljósi umræðu, þar sem borið hefur á þeim sjónarmiðum að loftslagsbreytingar, hlýnun af manna völdum, eigi sér ekki stað – eða að umræða vísindamanna um þau mál litist af ýkjum – vill Umhverfisstofnun árétta að loftslagsbreytingar eru staðreynd. Mýmargar rannsóknir sýna að svo er. Áhrifin verða alvarleg ef ekki verður gripið í taumana,“ segir í greininni.

Þá er vísað í skýrslu vísindanefndar frá 2018 um loftslagsbreytingar og áhrif þeirra á Íslandi.

AUGLÝSING


Í skýrslunni segir m.a. að upp úr miðbiki 19. aldar hafi orðið ljóst að vissar lofttegundir raska varmageislun frá jörðinni þannig að neðri hluti lofthjúpsins og yfirborð jarðar verði hlýrri en ella.

Spurningunni „Hvað þýðir það fyrir Ísland?“ er þá varpað fram. „Íslenskir jöklar náðu mestri útbreiðslu í lok 19. aldar. Síðan hafa þeir hopað mikið og flatarmál þeirra dregist saman um nálægt 2000 km2 sem er um 15% samdráttur,“ segir þá meðal annars.

Grein Umhverfisstofnunar má lesa hérna.

Ekki missa af þessum

Annað áhugavert efni

Nýjast á Mannlíf.is