2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Lögðu hald á þrjú kíló af amfetamíni og hundrað e-töflur

Þremenningarnir, sem voru handteknir í aðgerðum lögreglu gegn skipulagðri brotastarfsemi í síðustu viku, hefur verið sleppt úr haldi. Þetta kemur fram í tilkynningu lögreglunnar á höfuðborgarsvæðinu.

Rannsókn lögreglu, sem staðið hefur yfir undanfarnar vikur, snýr meðal annars að fíkniefnamisferli og peningaþvætti. Ráðist var í þrjár húsleitir vegna þess. Samkvæmt tilkynningu miðar rannsókn málsins vel.

Lögreglan lagt hald á um þremur kílóum af amfetamíni, 90 grömmum af kókaíni og rúmlega 100 e-töflum. Eignir hafa verið haldlagðar og kyrrsettar en grunur er um að tilurð þeirra megi rekja til ágóða af brotastarfseminni.

Þremenningarnir voru handteknir 14. júní síðast liðinn og úrskurðaðir í gæsluvarðhald til 19. júní á grundvelli rannsóknarhagsmuna. Mennirnir eru á fertugs- og fimmtugsaldri.

Ekki missa af þessum

Annað áhugavert efni

Nýjast á Mannlíf.is