2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

MAST búið að vara við neyslu á „töfrakaffi“

Matvælastofnun hefur sent frá sér tilkynningu þar sem varað er við neyslu á kaffi og kakó frá Valentus og hefur verið markaðssett sem töfra/undrakaffi. Vörurnar innihalda örvandi lyf.

 

Stofnuninni hefur borist nokkrar ábendingar um kaffi- og kakódrykki sem boðnir hafa verið til sölu á samfélagsmiðlum. Um er að ræða Valentus SlimROAST Optimum kaffi og Prevail SlimROAST kakó.

Matvælastofnun hefur skoðað upplýsingar um innihaldsefni vörunnar á sölusíðum og umbúðum og eftir samráð við Lyfjaeftirlit ÍSÍ komist að því að meðal innihaldsefna er örvandi lyf Beta-Phenylethylamin sem er afleiða phenethylamine. Efnið Phenethylamine og afleiður þess er á lista WADA (World AntiDoping Agency)  yfir bönnuð efni og er bannað í keppni.  

AUGLÝSING


Samkvæmt. 11. gr matvælalaga nr. 93/95 mega matvæli ekki innihalda lyf eða lyfjavirk efni. Heilbrigðiseftirlit sveitarfélaga munu fylgja málinu eftir í samráði við Matvælastofnun, hvað varðar dreifingaraðila hérlendis. Þeir sem stunda dreifingu á matvælum teljast vera matvælafyrirtæki og eru þeir starfsleyfisskyldir hjá viðkomandi heilbrigðiseftirliti.

Ekki missa af þessum

Annað áhugavert efni

Nýjast á Mannlíf.is