Á meðan Guðlaug, móðir Guðmundar Felix, býður þess að sonur hennar nái fullum bata eftir að hafa fengið grædda á sig tvo handleggi á Edouard-Herriot-sjúkrahúsinu í Lyon í Frakklandi, dundar hún sér við að prjóna hvert sokkaparið á fætur öðru. Þannig styttir hún sér stundirnar.
Guðmundur Felix birtir mynd af því sem móðir hans hefur haft fyrir stafni og segir á samfélagsmiðlum:
„Á meðan Guðmundur Felix er að jafna sig eftir aðgerðina, hefur móðir hans breyst í prjónavél. Þannig styttir hún sér stundirnar á meðan hún býður þess að sonur hennar fái að snúa aftur heim.“
Guðlaug, móðir Guðmundar, hefur síðustu ár dvalið í Frakklandi og verið syni sínum til halds og trausts.
Guðmundur gekkst undir aðgerðina fyrir rúmum tveimur vikum en um var að ræða fyrstu aðgerð sinnar tegundar á heimsvísu. Aðgerðin gekk vel og flest gengið eins og í sögu eftir aðgerðina, hjá þessum jákvæða kraftaverkamanni.