Offituaðgerðum hjá Klíníkinni hefur fjölgað um ríflega 1500 prósent á fjórum árum. Það stefnir í að aðgerðirnar verði fleiri en 1000 í ár á meðan þær voru til samanburðar 62 talsins árið 2017. Útlit er fyrir algjöran meðfjölda offitaaðgerða í ár.
Þetta kemur fram í svari Svandísar Svavarsdóttur heilbrigðisráðherra við svari fyrirspurnar á Alþingi. Þar kemur fram að offituaðgerðirnar hafi verið 500 í fyrra en allt stefni í að þær verði tvöfalt fleiri í ár, að minnsta kosti.
Offituaðgerðir geta verið magaermi, magahjáveituaðgerð eða minni hjáveituaðgerð. Klíníkin er það fyrirtæki sem sér um flestar þessara aðgerða hér á landi.
Konur eru 78 prósent þeirra sem gangast undir þessar aðgerðir og meðalaldur sjúklinga eru ríflega 44 ár. Í svari Svandísar kemur einnig fram að 20 prósent þeirra sem gangast undir offituaðgerðir fái fylgikvalla, svo sem garnaklemmu, þrengingu á magastúf eða magasár sem þarfnast úrlausnar. Tíðni kvillanna er þó ekki talin há.