- Auglýsing -
Skútan Stephima varð eldi að bráð í höfninni á Seyðisfirði. Skútan var alelda þegar slökkvilið Múlaþings mætti á Bæjarbryggjuna um 10 í gærkvöld. Enginn var um borð í bátnum þegar eldurinn braust út. Skútan hefur legið á Seyðisfirði síðan um miðjan maí þegar kom erlendis frá. Frá þessu er greint í Austurfrétt.
Haft er eftir Haraldi Geir Eðvaldssyni slökkviliðsstjóra að stuttan tíma hafi tekið að slökkva mesta eldinn.
„Það er erfitt að eiga við eld í svona trefjabátum. Við slökktum í með froðu. Það er ekki mikill eldur en þetta varasamt og erfitt, þetta er skemmtibátur með miklu dóti í og mörgum litlum rýmum,“ sagði Haraldur Geir við Austurfrétt.
Báturinn er að sjá gjörónýtur, eins og sjá má af myndum sem birtar eru á Austurfrétt.