Sunnudagur 2. október, 2022
8.8 C
Reykjavik

Svala þarf þína hjálp að finna þjóf sem stal öllu af heimilinu: „Erum algjörlega miður okkar“

Helgarviðtalið

- Auglýsing -

Orðrómur

- Auglýsing -
Svala Jóhannsdóttir biður netverja um aðstoð við að finna óprúttinn innbrotsþjóf sem stal öllu steini léttara af heimili hennar í Laugardal í fyrradag. Hún biður netverja einnig um að vera með augun opin fyrir dýrmætum flíkum hennar sem mögulega verða auglýstar til sölu.
Svala gefur upp lýsingu á innbrotsþjófnum sem ekið hafi blárri Lexus-birfreið og á innan við hálftíma hafi viðkomandi tekist að tæma íbúðina. Hún segir þau Emil Cristoffer Bager Holm, sambýlismann Svölu, vera miður sín eftir innbrotið enda hafi þjófurinn stolið ótrúlegustu hlutum af heimilinu, alveg niður í klósettpappírinn. Öll raftæki hurfu í innbrotinu, fatnaður þeirra Emils og Svölu og förðunarvörur svo dæmi séu tekin. Þannig lýsti Svala aðkomuninni á Facebook-síðu sinni:

 

„Öllu hvolfað og stolið og heilmargt ónýtt. Allar yfirhafnirnar okkar, handklæði, rúmföt, skartgripir, allur myndavélabúnaður, raftæki og meirihlutanum af fötunum hans Emils var stolið. Margra milljóna króna tjón og algjör innrás á friðhelgi. Erum algjörlega miður okkar. Elsku vinir gætuð þið haft augun opin en lýsingin á manninum og bílnum er svona: hávaxinn, dökkhærður í siðum frakka, dökkklæddur og haltraði. Keyrir gamlan bláan lexus jeppa en hann náðist á myndavél hreinsa út úr íbúðinni okkar á tæpum hálftíma,“ segir Svala.

Í dag bætir Svala svo við færslu í hverfishópi íbúa þar sem hún óskar eftir aðstoð þeirra í að finna innbrotsþjófinn. „Hæ kæru grannar. Ég vildi bara byrja á því að þakka fyrir allan stuðninginn og hlýjuna sem við Emil höfum fundið frá ykkur. Það væri heilmikil hjálp ef að þið sem hafið myndavélakerfi eða myndavélar í bílum gætuð athugað hvort verknaðurinn hafi náðst á mynd en atvikið átti sér stað milli 13:30-14:15 þann 7.desember. Það hjálpar allt og við erum svo innilega þakklát fyrir þá hjálp sem við höfum nú þegar fengið,“ segir Svala sem birti neðangreint myndband skömmu eftir heimkomun í fyrradag:

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -