Formaður þingflokks Samfylkingarinnar – jafnaðarflokks Íslands – lögfræðingurinn Helga Vala Helgadóttir, útilokar samstarf með Sjálfstæðisflokknum á næstu árum; Helga Vala er í dag sú eina sem eftir stendur í forystusveit Samfylkingarinnar eftir nánast algjöra endurnýjun á forystu flokksins á Landsfundi í gær, en þetta kemur fram á Vísi.
Helga Vala segir:
„Við skuldum þjóðinni að gefa Sjálfstæðisflokknum frí. Ég held að það væri mjög gott fyrir allt samfélagið, fyrir alla innviði okkar, fyrir kerfið okkar. Við sjáum auðvitað ástandið á innviðum landsins að sveltistefna Sjálfstæðisflokksins og fylgiflokka hans er að bitna mjög harkalega á almenningi sem að fá ekki læknistíma, ekki heilbrigðisþjónustu; vegirnir og velferðarkerfið; menntakerfið.
Ég meina, það er alveg sama hvar við horfum á,“ sagði Helga Vala.