2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Stjórnendur Gamma hafa ekki átt sjö dagana sæla og meðan krakkarnir í Stundinni okkar eru kátir

Í hverri viku tiltekur Mannlíf þá aðila sem átt hafa góða viku og slæma viku. Að þessu sinni eru það krakkarnir í Stundinni okkar og GAMMA sem komust á blað.

 

Góð vika – Krakkarnir í Stundinni okkar

Nú er svo komið að fullorðnum hefur verið bolað burt úr Stundinni okkar en við stjórnvölinn í vetur verða þau Erlen Ísabella Einarsdóttir og Lúkas Johansen. Margir aðrir krakkar munu koma fram í þættinum, sem verður samsettur úr fjölbreyttum smáseríum.

Á dagskránni verða m.a. Verkstæðið, þar sem krakkar búa til eitthvað nýtt úr gömlum hlutum, og Málið, sem er lýst sem nokkurs konar krakkaútgáfu af Kappsmáli. Fyrsti þáttur Stundarinnar okkar fer í loftið á sunnudag og Mannlíf segir: Til hamingju, krakkar!

AUGLÝSING


Lúkas Johansen og Erlen Ísabella Einarsdóttir.

Slæm vika – GAMMA(r)

Stjórnendur fjármálafyrirtækisins Gamma, núverandi og fyrrverandi, hafa ekki átt sjö dagana sæla en í vikunni var gengi tveggja fagfjárfestasjóða sem félagið rekur fært niður svo um munar.

Eftir endurmat á stöðu sjóðanna var eigið fé GAMMA: Novus sem var metið 4,4 milljarðar um áramótin, metið á 42 milljónir króna. Hlutdeildarskírteinishafar hafa sett milljarða í sjóðinn og þá lánaði hópur fjárfesta GAMMA: Novus 2,7 milljarða í skuldabréfaútboði í júní sl.

Menn krefjast nú eðlilega svara; hvað í ósköpunum gerðist, en stóru tryggingafélögin þrjú eru meðal þeirra sem hafa tapað hundruðum milljóna á klúðrinu.

Sjóðir Gamma standa verr en talið var.

Ekki missa af þessum

Annað áhugavert efni

Nýjast á Mannlíf.is