Notalegur vetrarmatur og fullkomnar vatnsdeigsbollur

Efnisorð

Deila

- Auglýsing -

Í nýjasta tölublaði Gestgjafans er lögð áhersla á allt sem gefur yl í kroppinn, svokallaðan „comfort food“ enda kuldinn og lægðirnar í algleymingi þessa dagana. Pottréttir, bökur og súpur eru meðal uppskrifta og að sjálfsögðu gamla góða rjómabollan enda bolludagurinn á næsta leyti.

Fátt er betra en matur sem eldaður er frá grunni í einum potti þar sem framandi krydd og alls konar hráefni fara saman. Í blaðinu eru nokkrir virkilega bragðgóðir og hlýir karrípottréttir sem óhætt er að mæla með enda slógu þeir í gegn í tilraunaeldhúsi Gestgjafans. Þar vann matreiðslumeistarinn okkar hún Folda með rétti með og án kjöts og útkoman frábær. Hún Sóla okkar, sem þekkir vel til á Bretlandi, gerði síðan skemmtilegan þátt með notalegum vetrarmat frá Bretlandseyjum sem kom virkilega á óvart og gaman að lesa um sögu réttanna.

Rjómabolluþátturinn er einn sá girnilegasti í blaðinu en Folda er búin að mastera vatnsdeigsbollurnar og grunnuppskriftin sem hún gerir algerlega pottþétt og þaulreynd. Fyllingarnar eru hverri annari betri og það ríkti hátíð í tilraunaeldhúsinu þegar við fengum að smakka herlegheitin. Súkkulaðimús með heslihnetum, saltkaramellusósa, hvítsúkkulaðirjómi, möndlukrem, heimagerð jarðarberjasulta og vanillurjómi er meðal þess sem finna má í þættinum. Sjón er sögu ríkari.

Í blaðinu er að finna uppskriftir að pítubrauði og falafel, gert frá grunni. Mynd / Hákon Davíð

Af öðru efni má nefna skemmtilega umfjöllun um te, pítubrauð og falafel gert frá grunni, viðtal við brúðhjón sem afþökkuðu gjafir en báðu í staðinn um uppskriftir frá gestum, einfalda rétti sem tilvalið er að elda í miðri viku, allskonar brauð og umfjöllun um kokkalandsliðið sem er á leiðinni á Ólympíuleikana í matreiðslu. Á ferðasíðunum segir Hanna okkur meðal annars frá skemmtilegum veitingastöðum í Mayfair í London og Dominique fjallar um helstu fréttir úr vínheiminum.

Tryggðu þér áskrift að Gestgjafanum í vefverslun

- Auglýsing -

Athugasemdir

Lestu meira

„Alls ekkert flókið“ að ná tökum á súrdeigsbakstri

Bakarinn Marinó Flóvent Birgisson, kallaður Majó, hefur undanfarið birt gagnleg kennslumyndbönd á YouTube þar sem hann deilir fróðleik og kennir...