2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Sælkera-kaka frá Suðurríkjunum

Missisippi mud pie er víðfræg kaka og nafnið vísar líklega til moldarbakka fljótsins. Þessa útgáfu þarf ekki að baka og er hún því fljótleg og hægt að gera hana þar sem ekki er ofn.

Kaka frá Suðurríkjunum.
10 sneiðar

Botn
180 g súkkulaðikex
5 msk. smjör, brætt
Myljið kexið annaðhvort í matvinnsluvél eða setjið það í plastpoka og merjið með kökukefli. Blandið smjöri saman við og setjið á botninn og upp með börmunum á bökuformi. Kælið.

Fylling
1 ¾ dl sykur
¾ dl kakó
¾ dl kartöflumjöl eða maizenamjöl
3 ½ dl mjólk
4 eggjarauður
70 g súkkulaði, saxað
1 tsk. vanilludropar
2 msk. smjör
Setjið sykur, kakó og kartöflumjöl í skál og blandið því saman. Bætið mjólk í og hrærið vel saman. Hitið blönduna í potti þar til hún er þykk og glansandi, passið að hræra í allan tímann svo hún fari ekki í kekki. Bætið eggjarauðum í og látið sjóða áfram þar til þykknar enn meir. Bætið súkkulaði út í og látið bráðna saman við. Takið blönduna af hitanum og hrærið vanillu og smjöri saman við. Hellið súkkulaðiblöndunni yfir botninn í forminu. Kælið.

Ofan á
2 ½ dl rjómi
1 tsk. sykur
½ tsk. vanilludropar
Þeytið rjóma með sykri og vanillu og breiðið yfir súkkulaðifyllinguna rétt áður en þið ætlið að bera kökuna fram.

AUGLÝSING


Allt hráefni sem er notað í Gestgjafanum fæst í verslunum Hagkaups.

Umsjón / Sigríður Björk Bragadóttir
Mynd / Sunna Gautadóttir
Stílisti / Ólöf Jakobína Ernudóttir

Ekki missa af þessum

Annað áhugavert efni