Clicky

 

Hreyfing má ekki auglýsa „fría“ þjónustu

Neytendastofa hefur bannað líkamsræktarstöðinni Hreyfingu að halda áfram að auglýsa „fría“ þjónustu.

Neytendastofu bárust  nýverið ábendingar vegna auglýsingar Hreyfingar á árskorti. Í auglýsingunni sagði meðal annars „ÆFÐU FRÍTT Í SUMAR!“ og „Þú æfir frítt til 1. ágúst 2019[…]“ þrátt fyrir að það sé skilyrðið fyrir því að aðili kaupi árskort hjá félaginu til að nýta sér „fríu“ þjónustuna.

Við athugun Neytendastofu var niðurstaðan sú að um villandi lýsingu sé að ræða. „Að mati Neytendastofu er villandi að lýsa þjónustu með orðum eins og ókeypis eða frítt ef neytandi þarf að greiða fyrir aðra þjónustu til þess að fá eitthvað „frítt“. Notkun orðsins frítt í umræddi auglýsingu fól í sér rangar upplýsingar um verð þjónustu og upplýsingarnar voru líklegar til að valda því að hinn almenni neytandi sem auglýsingin beindist að, taki viðskiptaákvörðun sem hann myndi ekki annars hafa tekið,“ segir meðal annars í grein á vef Neytendastofu.

Neytendastofu barst svar frá Hreyfingu þar sem fram kom að félaginu þyki skilaboðin í auglýsingunni skýr og að markaðssetning sem þessi sé algeng hjá fyrirtækjum hér á landi og víðar.

Eftir athugun taldi Neytendastofa rétt að banna Hreyfingu að viðhafa ofangreinda viðskiptahætti. Nánar um ákvörðun Neytendastofu má lesa hér.

Ekki missa af þessum

Annað áhugavert efni

Nýjast á Mannlíf.is