Mánudagur 27. júní, 2022
10.8 C
Reykjavik

Fjölbreytt ævistarf William Morris kannað

Helgarviðtalið

- Auglýsing -

Orðrómur

- Auglýsing -

Nýverið opnaði á Kjarvalsstöðum sýning á verkum Williams Morris. Morris var mikilsvirt skáld og þekktastur meðal samtímamanna sinna fyrir ljóð sín og prósa.

Í seinni tíð er hans minnst sem mikils hönnuðar og mannsins sem skapaði ótal lífræn mynstur sem prýddu allt frá veggfóðri til þekktra bókakápa en ást hans á náttúrunni endurspeglast í verkum hans.

Sýningin er unnin í samstarfi við William Morris Gallery í London og Millesgården í Stokkhólmi.

Tengslum Morris við Ísland verða sérstaklega gerð skil á sýningunni en hann ferðaðist hingað tvisvar á starfsævi sinni, árið 1871 og árið 1873. Sýndar verða meðal annars frumteikningar af mynstrum Morris, veggfóður og vinnsluaðferðir, málverk, teikningar, steindir gluggar, húsgögn og veggteppi en einnig verður sýnd frumútgáfa þýðinga hans á Íslendingasögum.

Á sýningartímanum verður boðið upp á leiðsagnir sérfræðinga um sýninguna auk þess sem efnt verður til fjölskyldudagskrár og námskeiða fyrir ólíka hópa. Fylgist með dagskránni á vef Listasafns Reykjavíkur.

Sýningin stendur til 6. október næstkomandi og er hún fyrsta síns eðlis á Íslandi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

dfkjpogv

Deila

Nýtt í dag

Mest lesið í vikunni

Í fréttum er þetta helst...

- Auglýsing -