Kvikmyndin Á ferð með mömmu eftir Hilmar Oddsson er tilnefnd til Kvikmyndaverðlauna Norðurlandaráðs.
Ein virtustu kvikmyndaverðlaun Norðurlandanna hafa tilnefnt kvikmyndina Á ferð með mömmu sem bestu mynd ársins 2023. Einungis koma til greina myndir frá Norðurlöndum sem voru sýndir seinni hlut 2022 og fyrrihluta 2023.
Í umsögn dómnefndar segir um myndina:
„Í kvikmynd sinni, Á ferð með mömmu, nýtir leikstjórinn og handritshöfundurinn Hilmar Oddsson klassískt form vegamyndarinnar á einkar árangursríkan hátt til að lýsa innra ferðalagi aðalpersónunnar, Jóns. Í þeirri ferð neyðist Jón til að horfast í augu bæði við litleysi eigin fortíðar og það líf sem hann fór á mis við.
Sem margreyndur leikstjóri hefur Hilmar augljóslega alla þætti kvikmyndalistarinnar á valdi sínu og tekst að segja sögu um mannlegan harmleik, með hlýju og húmor, oft án orða þar sem hann nýtir sér myndræna frásögn á einkar fallegan hátt, ásamt sérlega vel útfærðri tónlist.“
Nokkar íslenskar kvikmyndir hafa hlotið þessi verðlaun, sem voru stofnuð árið 2005, en þær eru Hross í oss, Fúsi, Kona fer í stríð og Dýrið. Nú er spurning hvort að Á ferð með mömmu bætist í þennan virta hóp.