Kim Kardashian (41) og Ye (44) betur þekktur sem Kanye West, skildu á síðasta ári eftir 7 ára samband eins og fram hefur komið víða. Eftir skilnaðinn hafa þau tekist á opinberlega á samfélagsmiðlum þó svo að Kanye virðist vera virkari í því en Kim. Í nýlegum lögum Kanye og á samfélagsmiðlum hans má sjá og heyra hótanir í garðs kærasta Kim.
Fjölmiðlar vestanhafs hafa greint frá því að helstu markmið Kim séu að eiga góð samskipti við Kanye þrátt fyrir allt sem á undan hefur gengið, en þau eiga fjögur börn saman. Kim er sögð upplifa bæði streitu og kvíða, sérstaklega eftir skilnaðinn. Auk þess hefur hún áhyggjur af því að börn þeirra munu gjalda fyrir það hvernig Kayne hegðar sér.
Því hefur líka verið haldið fram að hömlulaus hegðun hans stafi af því að hann sé ekki að taka inn lyfin sín, en hann er greindur með geðhvarfasýki.
Kim vill halda friðinn svo að börnin geti átt gott samband við föður sinn, en hún var sjálf mjög náin föður sínum, Robert Kardashian, sem lést árið 2003.
Nýja kærasta Kanye heitir Chaney Jones (24) og er sögð klæða sig alveg eins og Kim, en þær þykja nauðalíkar. Þá er Chaney kölluð Kim K Clone í bandarískum fjölmiðlum.
Kim Kardashian hefur fundið ástina á ný, eins og áður segir með uppistandaranum og leikaranum Pete Davidson (28) sem áður var með söngkonunni Ariana Grande (28). Pete hefur talað opinskátt um það að hann þjáist af Chrone‘s-sjúkdómnum sem hann meðhöndlar með vissri lyfjameðferð. Auk þess notar hann kannabis samkvæmt læknisráði til þess að slá á verkina.
Fatastíll Pete þykir öðruvísi, en hann er þekktur fyrir að vera hress og skemmtilegur.