Mannlíf sagði frá því fyrir rúmri viku að leikarinn og söngvarinn Jamie Foxx, 55 ára, hefði verið fluttur á sjúkrahús vegna óskilgreindra skyndiveikinda. Vinur hans, grínistinn Martin Lawrence tjáði sig í gær um líðan Foxx.
E News! hefur eftir Lawrence að Foxx sé allur að koma til. „Ég heyri að hann er orðinn betri. Ég bið fyrir honum á hverri nóttu og bara vona það besta fyrir hann, einn sá besti sem við eigum í Hollywood. Ekki bara einn besti skemmtikrafturinn, heldur einnig góð manneskja.“
Í kjölfar sjúkrahúslegunnar fékk Óskarsverðlaunahafinn Foxx, holskeflu af baráttu- og stuðningskveðjum frá vinum og þekktum einstaklingum, meðal annars frá Kerry Wasthington sem lék með honum í kvikmyndunum Ray og Django Unchained. „Þakklætisfærsla fyrir @iamjamiefoxx. Sendi þér alla mína ást og bænir, minn kvikmyndaeiginmaður,“ skrifaði leikkonan og birti ljósmynd af þeim saman.