Elliði Vignisson, bæjarstjóri Ölfuss, hefur sumpart unnið þrekvirki í að koma bæjarfélagi sínu á kortið. Framundan eru mikil umsvif í námuvinnslu og fleiru sem tengist jörðinni Hjalla sem er í eigu tveggja athafnamanna og héraðshöfðingja, Einars Sigurðssonar og Hrólfs Ölvissonar sem eru í samvinnu við þýska stórfyrirtækið Heidelberg sem hefur uppi risastór áform um útflutning jarðefna frá Þorlákshöfn sem myndi þá taka á sig þann blæ að vera námubær. Sú framtíðarsýn hugnast ekki öllum bæjarbúum.
Heimildin segir frá því að íbúðarhús á jörðinni og fleiri fasteignir séu nú í eigu bæjarstjórans án þess að fyrir liggi hvernig það gerðist. Bæjarstjórahjónin hafa búið leigufrítt í húsinu í tvö ár áður en meint kaup áttu sér stað.
Blaðið vitnar til Elliða bæjarstjóra sem segir að hann og kona hans, Berta Johansen, eigi umræddar fasteignir og hafi í fórum sínum gögn um það. Aðspurður um kaupin neitar hann að upplýsa hvert verðið var eða greiðslukjör. Einar athafnamaður svaraði Heimildinni með skætingi og sleit símtali við blaðamanninn. Viðskipti bæjarstjórans og athafnamannana eru því leyndarmál sem ekki verður upplýst …