Athafnamaðurinn Sigmar Vilhjálmsson, Simmi Vill, er að glíma við háar skuldir sem hvíla á fyrirtækjum hans. Hann lýsti því í hlaðvarpi sínu, 70 mínútur, að Covidfaraldurinn hefði sligað fyrirtæki hans sem starfar í veitingageiranum. Hann segir að sumir fari þá leið að skipta um kennitölur en sjálfur hafi hann kosið að borga skuldir sína og því selt raðhús sitt við Kvíslartungu í Mosfellsbæ til þess umdeilda leigufélags, Ölmu. Það fylgir sögunni að hann leigi hús sitt í tvö ár og hafi síðan möguleika á því að kaupa aftur.
Sigmar hefur verið mikið til umræðu í fjölmiðlum vegna sinna mála. Það flaug hátt þegar hann sagðist hafa ákveðið að taka upp bíllausan lífsstíl en lét þess þó ógetið að hann hafði verið sviptur ökuréttindum. Hann gekkst svo fúslega við því í útvarpsviðtali að hann hefði fengið hjálp yfirvalda við að komast á hjólið.
Að frátöldu reiðhjólamálnu dást margir að Sigmari fyrir þá hreinskilni að gangast við sínum málum og grípa til svo sársaukafullra aðgerða að selja heimili sitt. Hann segist einfaldlega standa við skuldir sínar og ekki taka þátt í þeirri þjóðaríþrótt að skipta um kennitölu …