Miðvikudagur 7. desember, 2022
-2.2 C
Reykjavik

Fresta refsingu eftir löðrunga – Maðurinn játaði brot sitt og lýsti iðrun

Helgarviðtalið

- Auglýsing -

Orðrómur

- Auglýsing -

Héraðsdómur Austurlands ákvað að fresta ákvörðun refsingar skilorðsbundið yfir karlmanni sem snoppungaði annan mann svo af hlutust meiðsli.

Í Austurfrétt segir að atvikið hafi átt sér stað í aprílbyrjun á þessu ári, úti á götu í ónefndum bæ á svæðinu. Sá ákærði sló hinn manninn í andlitið, samkvæmt ákærunni, með flötum lófa og handarbaki þannig að eymsli hlutust af, mar og blæðing úr eyra.

Kemur fram í málsgögnum að atvikið hafi átt sér töluverðan aðdraganda en eiginkona ákærða og barnsmóðir brotaþola var nálægt er atvikið átti sér stað. Hún hafði stuttu áður óskað aðstoðar lögreglu en hún hafði átt í útistöðum við barnsföður sinn um þó nokkurn tíma.

Sagðist hinn ákærði hafa hlaupið til er hann sá hann á gangi og eftir stutt karp og atgang, þar sem höfuð þeirra hafi meðal annars „flækst saman“, hafi hann slegið manninn í andlitið. Játaði hann brot sitt og lýsti iðrun. Hefur hann ekki áður sætt refsingu sem hefur áhrif á ákvörðun refsingar.

Telur dómurinn manninn hafa gerst sekan um líkamsárás en taldi best að fresta ákvörðun um refsingu í tvö ár. Skipaður verjandi mannsins afsalaði sér rétti til þóknunar en hann hafði við málflutning lýst því yfir að það myndi hann gera ef maðurinn yrði dæmdur til greiðslu hennar.

Það var lögreglustjórinn á Austurlandi sem höfðaði málið en farið var fram á að maðurinn yrði dæmdur til refsingar og alls sakarkostnaðar en verjandi hans óskaði eftir vægustu refsingu sem kostur var á.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -