Leikfélag Menntaskólans á Ísafirði frumsýnir leikritið Ekki um ykkur! eftir Gunnar Gunnsteinsson í leikstjórn höfundar á Sólrisuhátíð skólans, í dag, 11. mars kl. 20:00 í Edinborgarhúsinu.
Leikritið var fyrst sett upp á Egilsstöðum 1997 undir nafinu Þetta snýst ekki um ykkur en búið er að staðfæra það og aðlaga breyttum tíma. Samkvæmt einum af aðstandenda verksins, Guðlaugu Jóhannsdóttur fjallar verkið um vinahóp sem hittist úti á landi í jarðarför eins æskufélaga úr hópnum en þau hafa ekki haldið mikið sambandi í gegnum tíðina. Þau ákveða er að skella sér í kjölfarið saman í sumarbústað til að rifja upp gamla tíma. Í verkinu er hoppað á milli tveggja tímaskeiða þar sem við sjáum hópinn yngri og eldri. Hver kyssti hvern?, hver er skotin í hverjum?, hver káfaði á hverjum?, hver datt svona svakalega í það?, hver bjargaði öllum?, hver var með skítadreyfarann?
Alls eru um 20 leikarar í sýningunni en þeir eru allir nemendur í Menntaskólnum. Leikritið verður frumsýnt í dag, 11. mars og sýningum lýkur 19. mars.
Allar ljósmyndirnar sem fylgja fréttinni eru teknar af Ágústi Atlasyni