Miðvikudagur 7. desember, 2022
-5.2 C
Reykjavik

Vildi spara eldri borgurum sporin – Festi rútuna á bólakaf í svörðinn

Helgarviðtalið

- Auglýsing -

Orðrómur

- Auglýsing -

Ökumaður langferðabíls með erlenda eldri borgara um borð, festi bílinn við hlið styttu Gustav Vigeland af Snorra Sturlusyni í Reykholti.

Skessuhorn segir frá því að hópur erlendra ferðalanga hafi verið á ferð um Reykholt í Borgarfirði. Rútubílstjórinn hafi viljað spara ferðalöngunum öldnu sporin að styttunni góðu af Snorra og því keyrt út á gras. Það vildi þó ekki betur til en svo en að rútan sökk á bólakaf í svörðinn. Til að komast að styttunni þurfti bílstjórinn að aka fyrst um mjóan veg meðfram kirkjugarðinum í Reykholti, síðan út af þeim slóða og stöðvaðist rútan að lokum þétt við vegg gamla héraðsskólans, við hlið styttunnar. Sparaði þetta brölt aldeilis ferðalöngunum sporin að styttunni en rútan sat pikkföst. Þurfti að kalla til tvö kröftug tæki til að draga langferðabílinn aftur upp á veg.

Segir í frétt Skessuhorns að rútan sé í eigu íslensks fyrirtækis en að ökumaðurinn sé útlendur og sé eflaust vanari þéttari grassverði í heimalandinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -