- Auglýsing -
Hann steig út úr bílnum og skellti hurðinni harkalega á eftir sér. Blótaði henni í sand og ösku og var við það að vera stjórnlaus.
Hún horfði ísköldum augum á hann og hugsaði með sér hverslags hálfviti þetta væri; skapbráður en langt í frá að vera skapstór – það væru nú mestu aumingjarnir.
Hann hljóp í átt að sjónum og hóf að fækka fötum á leiðinni.
Hún hristi hausinn, steig út úr bílnum, en settist strax aftur inn bílstjóra megin, startaði bílnum og keyrði rólega í burtu.
Allsnakinn buslaði hann í sjónum og fylgdist af og til með tveimur mávum sem hringsóluðu yfir honum.