• Orðrómur

Heiða gleðst yfir lausn bróður síns úr fangelsi: „Ég þurfti að horfa á eftir báðum bræðrum mínum

Efnisorð

Deila

- Auglýsing -

„Hann hringdi í mig að morgni dags núna í apríl og sagðist vera laus. Ég var orðlaus. Við grétum mikið saman í því samtali. Hann saknar Gísla óskaplega og er með samviskubit gagnvart allt og öllu en hann er edrú og að standa sig vel. Honum líður vel miðað við allt sem á hefur gengið,“ segir Heiða Þórðar, eldri systir bræðranna Gísla Þórs Þórarinssonar og Gunnars Jóhanns Gunnarssyni.

Vinir Gunnars sem hafa stutt við bakið á honum hafa tekið honum fagnandi. Myndin var tekin nokkrum dögum eftir að hann var látinn laus í april.

Gunnar var dæmdur í 13 ára fangelsi í Noregi í fyrra fyrir að að að hafa skotið Gísla bróðir sinn til bana af yfirlögðu ráði. Málið fór yfir á næsta dómstig sem úrskurðaði að ekki hefði verið um ásetning að ræða og lækkaði dóminn í 5 ár. Sökum langrar einangrunarvistar hefur Gunnari verið sleppt á meðan að norsk yfirvöld íhuga hvort sækja eigi málið frekar fyrir Hæstarétti.

- Auglýsing -

Bíð eftir ákvörðun um hæstarétt

„Norðmennirnir hafa staðið sig stórkostlega og haldið vel utan um hann. Hann er líka mjög þakklátur þeim sem hafa staðið við bakið á honum, bæði vinum og þeim fjölskyldumeðlimum sem hafa stutt hann. Það skiptir mestu að hann og börnin hans komi heil út úr þessari reynslu.“ Hún segist ekki vita hver næstu skref séu í málinu. Ég hef lifað og hrærst í þessu í tvö ár, rokkað upp niður tilfinningarskalann en og eins og aðrir verð ég að bíða og sjá til hvort málið verður tekið fyrir í Hæstarétti.”

Heiða var níu ára þegar Gísli fæddist, órjúfanlegur partur af lífi hennar frá fyrsta degi, á heimili sem einkenndist af óstöðugleika af völdum geðrænna erfiðleika og alkóhólisma. „Hann var bara bestur. Óskaplega vandaður og fallegur maður og minn helsti stuðningsaðili í lífinu gegnum öll mín fullorðinsár”.

- Auglýsing -

Fjórum árum síðar kom Gunnar í heiminn og móðureðlið tók völdin í Heiðu sem þá var að komast á unglingsár. Hún minnist beggja litlu bræðra sinna með mikilli hlýju.

„Það getur enginn sett sig í mín spor, né spor Gunna eða allra hinna sem eftir lifa. Ég þurfti að horfa á eftir báðum bræðrum mínum þegar þetta gerðist og fékk engan stuðning frá systkinum okkar sem kröfðust þess að ég lokaði á Gunna, sem ég tók ekki í mál. Ef ég elska einhvern fer ég alla leið”.

Bræðurnir Gísli og Gunnar ásamt móður þeirra systkina.

- Auglýsing -

Læt ekki buga mig

Heiða er ákveðinn í að láta þennan harmleik ekki buga sig.

„Ég hef verið reið, grátið og verið í uppnámi en þetta verður auðveldara. Ég er búin að missa marga, báða foreldra mína og annan bróður en fráfall Gísla var mesta áfall sem ég hef persónulega gengið í gegnum. Heiða segir þetta sérstaka stöðu að hafa verið í.

„Ég lá bara í rúminu fyrstu dagana eftir fráfall Gísla og ældi vatni. Ég var lömuð. Ég er ekki týpan til að vera mikið í að tala, það er mitt mat að það séu nógu margir sem hafa áhuga á að tala um sjálfa sig frekar en að hlusta á aðra. Mér fannst ég aftur á móti þurfa að koma í viðtalið sem Mannlíf tók við mig á sínum tíma til að tala máli litla bróður míns og þagga niður í dómstóli götunnar sem kom fram skýrast fram í kommentakerfunum. Sumt fólk virtist hafa ríka þörf til að hafa samband við mig til að tilkynna mér að Gunni hefði fengið allt of vægan dóm. Bláókunnugt fólk úti í bæ sem þekkir hvorki haus né sporð á neinu okkar hefur kallað bróður minn morðingja. En ég hef alltaf litið svo á að um slys hafi verið að ræða“.

Bræðurnar Gunnar og Gísli voru nánir vinir.

Rangfærslur í fjölmiðlum

Heiða hafði verið í daglegu sambandi við báða bræður sína svo dögum skipti áður en harmleikurinn átti sér stað. „Gunni hafði verið með hótanir í garð Gísla og ég var að tala hann til, svo og Gísla sem sagði mér að hann væri farinn að bera tilfinningar til konu Gunna. Þetta var fljótafgreitt í fjölmiðlum og farið með marga vitleysuna en staðreyndin er sú að þetta var aldrei alvarlegt samband hjá þeim Gísla. Ég hef aldrei séð, talað við eða hitt þessa konu. Ég spurði hann hvort hann væri á leiðinni að fara að búa með henni en hann sagði mér nú fljótt að róa mig,“ segir Heiða.

Heiða hefur ekki fengið aðstoð fagmanna við að vinna úr áfallinu.

„Ég gerði það ekki heldur þegar að mamma dó en ég hef fengið mikla hjálp frá góðum vinum. Ég hef náð ákveðinni sátt en lífið verður aldrei nokkurn tíma eins. Það besta sem við getum gert núna er að heiðra minningu Gísla með því að komast sem heilust frá þessu,“ segir Heiðar Þórðar sem ætlar að fara bjartsýn og glöð inn í sumarið.

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -