Hafnarfjarðabær hefur látið mála yfir mótmælalistaverk sem myndlistartvíeykið Libia Castro og Ólafur Ólafsson máluðu við við inngang undirganga við Sólvangsveg í Hafnarfirði. Vekur athygli að önnur verk standa þó enn við og í undirgöngunum.
Ljósmynd: Björgvin Gunnarsson
Myndlistartvíeykið Libia Castro og Ólafur Ólafsson, sem valin voru myndlistarmenn ársins á Íslensku myndlistarverðlaununum í fyrra, stóðu fyrir verkinu í samstarfi við Töfrateymið. Máluðu þau verkið í október á síðasta ári. Í fyrra var sagt frá því í Mannlífi að verk eftir þau hafi verið tekið niður að beiðni Sjálfstæðiskonunnar Rósu Guðbjartsdóttur, bæjarstjóra Hafnarfjarðar. Verkið hékk utan á menningar- og listamiðstöðinni Hafnarborg og kallaði eftir nýrri stjórnarskrá.
Sjá einnig: Tvö ný mótmælaverk L&Ó og Töfrateymisins risin í Hafnarfirði: „Við eigum nýja stjórnarskrá!“
Í samtali við Mannlíf sagðist Rósa Guðbjartsdóttir, bæjarstjóri Hafnarfjarðar ekki vita neitt um málið. „Ég hef ekki hugmynd um það, ég hef hvorki séð þetta né heyrt af því,“ sagði Rósa og benti á að Sigurður Haraldsson, sviðsstjóri hjá Hafnarfjarðarbæ gæti sjálfsagt svarað mér.
Ljósmynd: Björgvin Gunnarsson
Tölvupóstur hefur verið sendur á Sigurð.