Ágústu var afar brugðið í morgun þegar hún var stödd nærri Sólvangi í Hafnarfirði. Þar náði hún myndbandi af börnum hangandi utan á strætisvagni á ferð.
Ágústa póstar myndbandinu á Facebook og biðlar þar til foreldra í bænum að gera börnunum grein fyrir alvarleika málsins.
„Elsku foreldrar ég skil vel að þetta geti hljómað fyndið og spennandi í hausnum hjá krökkum enn getum við plís sameinast í því að gera börnunum okkar grein fyrir hættunni sem skapast við þetta,“ segir hún.
Eins og gefur að skilja er mörgum bæjarbúum brugðið við að sjá myndbandið og tjá fjölmargir sig undir færslu Ágústu. „Ómægaaaad!“, „Nei hættu nú!“ og „Jesús minn!“ eru meðal þeirra ummæla sem íbúarnir skrifa.