Listmálarinn Tolli Morthens taldi að málverki eftir sig hefði verið stolið.
„Málverki stolið.“ Svona hefst færsla sem listamaðurinn Tolli Morthens setti inn á Facebook fyrr í dag. Þar auglýsti hann eftir stolnu málverki sem hafði horfið af sýningu hans í Vestmannaeyjum. „Þetta er leiðinlegt því verkið var selt,“ skrifaði Tolli meðal annars og bætti við að þjófurinn gæti hringt í sig ef hann vildi skila verkinu og lofaði að það yrðu engir eftirmálar.
Stuttu eftir að færslan var sett inn var henni eytt. Tolli eyddi færslunni þegar í ljós kom að um misskilning var að ræða því kaupandi verksins hafði einfaldlega sótt verkið á sýninguna. Ráðgátan leystist því fjótt.
„…löggan komin í málið og sefndi í ves en við eftirgrenslan kom í ljós að eigandin sem hafði keypt myndina hafði haldið að showið væri búið og kom bara og náði í verkið og tók það með sér heim sem mér finnst bara falleg saga sem endaði vel,“ skrifar Tolli í nýja færslu.