- Auglýsing -
„Á baráttudegi verkalýðsins er tímabært fyrir allt fólk að spyrja sig hvorum megin víglínunnar í stéttastríðinu það skipar sér. Styður fólk harðnandi alræði auðvaldsins eða vill fólk byggja hér upp fagurt samfélag jöfnuðar byggt á samkennd, samhjálp og samvinnu. Fyrsti maí er vonardagur alþýðunnar. Megir þú finna vonina og viljann til að fylgja henni.“
Svona hljóðar ávarp Sósílistaflokksins á baráttudegi verkalýðsins, 1. maí. Þar segja sósíalistar að auðstéttin á Íslandi hafi notfært sér kórónafaraldurinn til sóknar og ætli sér enn stærri sigra. Markmið auðstéttarinnar sé að nýta yfirstandandi efnahagssamdrátt til styrkja stöðu sína í stéttastríðinu; veikja verkalýðshreyfinguna og samtök almennings, draga úr eftirliti og aðhaldi ríkisvaldsins, knýja á um stórfelldar skattalækkanir til hinna allra auðugustu, útvista og einkavæða opinbera þjónustu og grunnkerfi samfélagsins og halda áfram fjáraustri úr almannasjóðum til fjármagns- og fyrirtækjaeigenda.
Ávarp Sósíalistaflokksins á degi verkalýðsins 1. maí má finna í heild sinni hér.