- Auglýsing -
Ævar Annel Valgarðsson, tvítugur Reykvíkingur sem var fórnarlamb Guðlaugs Þór Einarssonar MMA-bardagakappa, gaf sig fram við lögregluna á höfuðborgarsvæðinu. Hún hafði leitað hans frá því fyrir helgi.
Í tilkynningu lögreglu kemur fram að Ævar sé í haldi lögreglunnar og hið sama má segja um Guðlaug Þór bardagakappa sem hnepptur var í tveggja vikna gæsluvarðhald síðastliðinn föstudag, sama dag og Ævar lét sig hverfa og lögreglan lýsti eftir honum.
Ljóst þykir að leitin að Ævari tengist rannsókn á ofbeldisverkum í undirheimunum undanfarið. Ráðist var á hann líkt og Mannlíf greindi frá. Þá gekk MMA-bardagamaðurinn Guðlaugur Þór Einarsson í skrokk á honum og birti af því myndband á Facebook-síðu sinni.