Búningur ársins er kominn – „Hann ákvað að vera Gunnar í Sandfellshaga, fósturtalningamaður“

„Fósturtalning er syni mínum ofarlega í huga þessa dagana. Hann ákvað að vera Gunnar í Sandfellshaga, fósturtalningamaður og nágranni okkar, á öskudaginn. Það kannast kannski margir við kauða hér inná þessari síðu.“

Þetta skrifar Eyrún Ösp Skúladóttir inn í Facebook-hópi Sauðfjárbænda og birtir meðfylgjandi mynd af syni sínum sem Gunnar nágranni. Hér neðst má svo sjá Gunnar sjálfan en líkindin eru sláandi.

Hún hefur góðfúslegt leyfi til að endurbirta myndina. Enda óhætt að fullyrða að betri búningur muni varla sjást í dag. Sauðfjárbændur eru líklega sammála en á örstuttum tíma hefur myndin fengið mörg hundruð læk.