Föstudagur 23. september, 2022
6.8 C
Reykjavik

Eiður vill kveikja í þessu húsi – Húsið sem Fossvogurinn hatar í eigu Runólfs ræðismanns

Helgarviðtalið

- Auglýsing -

Orðrómur

- Auglýsing -

Eiður Valgarðsson, íbúi í Fossvoginum í Reykjavík, spyr nágranna sína hvort það sé ekki kominn tími á að halda áramótabrennu við Undraland 4. Hann segist hafa búið í hverfinu í tvo áratugi og allan þann tíma hafi þess eign angrað nágranna. Nú sé kominn tími til að gera eitthvað í málinu Eiður skrifar innan Facebook-hóps íbúa:

„Hvernig væri að halda næstu áramótabrennu í Undralandi ? Ég hef búið í hverfinu vel á tvo áratugi og þetta hús hefur staðið ónotað allan tímann og grotnað meira niður með hverju árinu, okkur nágrönnum til mikillar armæðu. Hvorki eigandi hússins eða Reykjavíkurborg hreyfa litla fingur til að laga ástandið.“

Flestir sem tjá sig eru  sammála Eiði. „Skelfilegt að sjá! Hættulegt umhverfinu,“ skrifar ein kona meðan önnur segir: „Sem íbúi í Undralandi finnst mér og fjölskyldu minni þetta afar leiðinlegt, að þetta hús standi svona árum saman. Ég væri gjarnan til í að sjá breytingu þarna. Áhugavert væri að vita hvort það sé eitthvað hægt að gera?“ Tónlistarmaðurinn Villi Goði, sem kom meðal annars fram með Todmobile, tekur undir og skrifar: „ég á kúbein og er til í slaginn“

Nokkrir nágrannar segja þó ekki við hæfi að tala um að kveikja í kofanum. „Það er nú ekki smekklegt að stinga uppá að kveikja í húsnæði sem aðrir eiga!,“ skrifar ein kona. Karl skrifar svo: „Orðalagið gæti virkað sem hvatning til íkveikju sem væri verra“. Aðrir íbúar segja svo að enginn hafi búið í húsinu svo árum skipti. „Þetta var svo fallegt hús á sínum tíma. Algjör synd að því hafi verið leyft að fara svona,“ skrifar ein kona.

Íbúar komast að lokum  að því hver á húsið, Runólfur Oddsson, sem er yngri bróðir Davíðs Oddssonar. Hann er ræðismaður Íslands í Slóvakíu og umboðsmaður Jessenius-læknaskólans en áður flutt inn bæði dekk og kristalvörur.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -