Leit stendur enn yfir að 55 ára gamalli móður sem hvarf sporlaust fyrir sex dögum síðan í London. Konan, Gaynor Lord, hefur ekki sést síðan hún fór frá vinnu á föstudaginn en umfangsmikil leit hefur verið í borginni. Sama dag og Gaynor hvarf fundust fatnaður hennar, skartgripir og farsími í almenningsgarði en hafði hún skömmu áður sést ganga inn og út úr dómkirkjunni, sem er í næsta nágrenni við garðinn.
Lögregla veltir því nú fyrir sér hvað átti sér stað á meðan hún var inni í kirkjunni en talið er líklegt að móðirin hafi skilið eftir eigur sínar í garðinum áður en hún hafi gengið ofan í nærliggjandi á.
Leit hefur farið fram í ánni með aðstoð sjódeildar lögreglunnar, slökkviliðs- og björgunarsveitar Norfolk og strandgæslunnar. Stefnt að því að halda leit áfram næstu daga.