2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Ljósin á Broadway slökkt – Öllum leikhúsum lokað

Öllum leikhúsum á Broadway í New York hefur verið lokað um óákveðinn tíma vegna kórónaveirunnar. Ríkisstjóri New York-ríkis, Andrew Cuomo, tilkynnti í gær að öllum sýningum Broadway-leikhúsa yrði frestað um óákveðinn tíma til að framfylgja banni við samkomum með fleiri en fimmhundruð þátttakendum. Tónleikahúsið Carnegie Hall hefur sömuleiðis frestað öllum sýningum til 31. mars, að minnsta kosti, og Metropolitan Museum of New York hefur tilkynnt að það verði lokað um óákveðinn tíma.

Lokunin er í mótsögn við það sem borgarstjóri New York-borgar, Bill de Blasio, sagði í viðtali við CNN fyrir nokkrum dögum, en þar lýsti hann eirri von sinni að hægt yrði að halda ljósunum á Broadway logandi, þrátt fyrir allt. Það hlyti að vera hægt að finna einhvern meðalveg. Sú varð sem sagt ekki raunin og ljósin á Broadway, eitt af einennismerkjum New York, verða nú slökkt á meðan faraldurinn gengur yfir.

Lestu meira

Annað áhugavert efni

Nýjast á Mannlíf.is

Nýjast á Gestgjafanum