- Auglýsing -
Fram kemur í tilkynningu Lyfjastofnunar að á árunum 2016 til 2020 hefur lyfjaávísunum fjölgað um 16%. Hafa þær farið úr 3.483.334 ávísunum í 4.043.400.
Samkvæmt tölum úr ársskýrslum Lyfjastofnunar kemur einnig fram að apótekum hafi fjölgað um 15% frá árinu 2016. Þó hefur ekki verið mikil breyting á fjölda starfsfólks á milli ára.
Nú eru starfandi 77 apótek, að meðtöldu sjúkrahúsapóteki Landspítalans. Lyf og heilsa er stærsta apótekskeðjan með 27 apótek og næst kemur Lyfja með 21 apótek.
Fjöldi íbúa á hvern lyfjaafgreiðslustað er hæstur á höfuðborgarsvæðinu, 4549 manns og því næst á Suðurnesjum, 3525. En lægstur á Austurlandi, eða 1356 manns á hvern afgreiðslustað.