Það var klukkan hálf ellefu í gærkvöld er lögreglan handtók fjóra menn vegna líkamsárásar í heimahúsi. Mennirnir voru allir í annarlegu ástandi samkvæmt upplýsingum úr dagbók lögreglu. Einn enn var svo handtekinn skammt frá vettvangi þar sem hann reyndi að komast inn í hús. Taldi hann húsið vera það sama og árásin átti sér stað í. Fíkniefni í söluumbúðum fannst á einum mannanna ásamt pening sem þykir líklegur ágóði af fíkniefnasölu. Þá var einn mannanna vopnaður og var vopnið handlagt. Málið er nú til rannsóknar hjá lögreglu.
Síðar um nóttina stöðvaði lögregla ökumann sem grunaður er um akstur undir áhrifum fíkniefna og án réttinda. Var hann látinn laus eftir hefðbundið ferli lögreglu. Þá segir í dagbók lögreglu að nóttin hafi verið með rólegra móti. Lögreglu hafi borist tilkynningar vegna minniháttar mála og nokkrir gistu bak við lás og slá vegna ölvunartengdra mála.