Leikskólabörn og starfsmenn á Leikskóla Seltjarnarness verða skimaðir fyrir berklum en grunur liggur á smiti hjá ónefndri manneskju sem á að hafa komið á leikskólan. RÚV greinir frá þessu.
Þórir Kolbeinsson, yfirlæknir á göngudeild sóttvarna, segir smitrakning gangi vel í samtali við RÚV. Ekkert sýni hafi reynst jákvætt hingað til. „Við athugum ákveðinn hring og fylgjum því síðan eftir. Þetta er unnið í samráði við Landspítalann og ef þeir staðfesta þetta smit, sem er enn í athugun, þá skoðum við hvort það þurfi að stækka hringinn,“ segir Þórir.
Árlega eru um tíu manns sem smitast af berklum á Íslandi. „Smit vegna berkla er ekki mikið. Það er ekki mjög smitnæmt en hins vegar viljum við alls ekki fá berkla og þess vegna leitum við að því á Íslandi grimmt þegar grunur vaknar,“ segir Þórir.