Guðmundur segir ekki séns á því að skýrslan birtist fyrir kosningar

Guðmundur Gunnarsson, fyrrverandi formaður Rafiðnsamband Íslands, telur allar líkur á því að skýrsla um eign­­ar­hald 20 stærstu útgerð­­ar­­fé­laga í íslensku atvinn­u­­lífi sitji í skúffu sjávarútvegsráðherra fram yfir kosningar. Það væri ekki í fyrsta skiptið sem ráðherra kemur í veg fyrir að skýrsla birtist fyrir kosningar. Kjarninn greinir frá því að skýrslan hafi átt að birtast fyrir viku.

„Dettur einhverjum í hug að sjávarútvegsráðherrann láti taka þessa skýrslu saman og birta hana fyrir kosningar? Eigendur sjávarútvegsfyrirtækja hafa fengið rúmlega 100 milljarða í arð á innan við áratug. Sam­herji, stærsta sjáv­ar­út­vegs­fyr­ir­tæki lands­ins með beint og óbeint yfir 17 pró­sent alls úthlut­aðs kvóta, hefur til að mynda verið ráð­andi í Eim­skip og á stóran hlut í Jarð­bor­un­um,“ skrifar Guðmundur á Facebook.

Hann nefnir einnig önnur dæmi. „Þá er SVN eigna­fé­lag, sem er í eigu Síld­ar­vinnsl­unnar (Sam­herji á beint og óbeint 49,9 pró­sent hlut i henn­i), langstærsti eig­andi Sjóvá með 14,52 pró­sent eign­ar­hlut. Kaup­fé­lag Skag­firð­inga, Hvalur hf., Stál­skip og Ísfé­lag Vest­manna­eyja eru dæmi um önnur félög í útgerð, eða sem voru í útgerð en hafa selt sig út úr henni, sem eru afar umsvifa­mikil í íslensku við­skipta­lífi.“