- Auglýsing -
Átján ára piltur var í dag í Héraðsdómi Reykjaness úrskurðaður í áframhaldandi gæsluvarðhald til 24. maí á grundvelli almannahagsmuna að kröfu lögreglunnar á höfuðborgarsvæðinu í þágu rannsóknar hennar á andláti karlmanns á þrítugsaldri í Hafnarfirði í síðustu viku.
Þá hefur tveimur öðrum piltum, sem báðir eru yngri en 18 ára, verið enn fremur gert að sæta vistun á vegum barnaverndaryfirvalda í tengslum við málið, sömuleiðis til 24. maí. Piltarnir tveir hafa báðir kært úrskurðinn til Landsréttar.
Piltarnir þrír hafa allir sætt gæsluvarðhaldi frá því að málið fyrir utan Fjarðarkaup kom upp.