2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Bókunarfyrirtækið Guide to Iceland fjarlægði textann „Lowest prices in Iceland“

Bókunarfyrirtækið Guide to Iceland hætti að nota textann „Lowest prices in Iceland“ í markaðsefni sitt eftir að Neytendastofa bað fyrirtækið um að sanna að fullyrðingin væri sönn.

 

Í apríl barst Neytendastofu ábending vegna fullyrðinga á heimasíðu bókunarfyrirtækisins Guide to Iceland. Um var að ræða fullyrðingar um stöðu fyrirtækisins á markaði.
Neytendastofa fór fram á að fyrirtækið sannaði fullyrðingar um að það biði upp á mesta úrval ferða á Íslandi og lægsta verðið.

Fyrirtækið þótti ekki senda fullnægjandi sönnunargögn fyrir fullyrðingunum og komst Neytendastofa því að þeirri niðurstöðu að þær væru ósannaðar og veittu rangar upplýsingar um stöðu félagsins á íslenskum markaði.

Neytendastofa bannaði þá Guide to Iceland að viðhafa ofangreinda viðskiptahætti.

AUGLÝSING


Ákvörðun Neytendastofu var þá kærð til áfrýjunarnefndar neytendamála sem felldi hana úr gildi að öðru leyti en varðandi fullyrðinguna „Lowest prices in Iceland“.

„Hin kærða ákvörðun er felld úr gildi að því er varðar bann við birtingu annarra fullyrðinga en fullyrðingarinnar „Lowest prices in Iceland“,“ segir í úrskurði Neytendastofu.

Guide to Iceland hefur þá breytt hluta af textanum á heimasíðu fyrirtækisins. Textanum „Lowest prices in Iceland – Best price guaranteed“ var breytt í „Find the very best selection on the largest marketplace for Icelandic travel services“.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum