Maður að nafni Freyr komst í hann krappann, ef svo mætti að orði komast, ef eitthvað er að marka Facebook færslu hans í hópnum Spottaði kött:
„Kæri kattareigandi á Grettisgötu. Ég rétt skaust út úr bílnum til að sækja einhverja helvítis dælu, fleygði inn í bíl og brunaði af stað.“
Og bætir við:
„Ég var kominn lengst út í rassgat, þ.e. uppi á velli í Hafnarfirði er ég heyri mjög confused „mjjaaaaááá?“ Þannig ef þú varst að leita að mjása í morgun þá var það alveg óvart að ég stal kettinum þínum í 40 mín, lofa,“ skrifar Freyr. „Hún fékk samt gott klapp og vingaðist okkur ágætlega. Langar einnig að hrósa þér fyrir nafnagift því að Píka er örugglega besta kattarnafn í heimi.“