Sumir netverjar hóta því að hætta flokka ef þeir þurfa að greiða fyrir pappírspoka.
Í Facebook-hópnum Matartips! eru meðlimir hópsins að ræða endurvinnslu á lífrænu sorpi. Kona að nafni Ágúst Kolbrún byrjar umræðuna um málefni.
„Matartips og ekki matartips en ætli þið að halda áfram að flokka þegar þetta tekur í gildi?
Finnst fáránlegt að segja okkur að flokka, fara svo að rukka fyrir það!
Ég borga þegar sorphiðugjald, er með 6 tunnur heima hjá mér til að flokka gler, plast, ál og hvað allt þetta nú er…
Ég er ekki í vinnu hjá þeim og núna ætla þeir að fara láta mig borga fyrir þetta líka! Mér er aaaaalveg sama þótt þetta sé bara 10-20 kr á dag eða what ever þetta er samt peningur!“
Svo hlekkjar hún í frétt DV um að fljótlega muni almenningur þurfa greiða fyrir pappírspoka sem þarf að nota fyrir lífrænt sorp. Í skoðanakönnun sem stofnað hefur verið til á síðunni segjast 37% ætla hætta flokka lífræna sorpið verði þeim gert að greiða fyrir pappírspokana þegar þessi frétt er skrifuð og hafa 750 manns greitt atkvæði í henni. 58% segjast ætla flokka áfram, 2% segja að þeir muni finna aðrir leiðir og þá segja 3% að þeir muni notast við plastpoka.
Eins og gefur að skilja eru athugasemdir fólks um málið misjafnar í þræðinum.
„Finnst reyndar að við ættum ad hafa val um að nota maispoka enn ekki eina ríkistegund af þessu papparusli… enn annars er það þannig að þú borgar alltaf fyrir þetta á einn eða annan hátt, ef sveitafélögin ætluðu að splæsa í þessa poka yrði bara hækkað sorphirðugjöldin á móti,“ sagði Gísli Garðarsson
„Þetta var alveg eins á Akureyri, það varð allt vitlaust þegar fólk fékk ekki bara endalausar maíspoka rúllur fríar en svo þegar fólk var farið að átta sig á þessu þá er þetta ekki mikið mál. Það koma 2 fríar rúllur á ári og rest kaupir maður sjálfur. Þetta er ekki flókið. Hins vegar skil ég ekki af hverju það er ekki hægt að vinna þetta eins og hérna að rífa pokana frá í vinnslunni því maíspokarnir eru svo góðir í þetta og það er undantekning að það hafi myglað, komið flugur eða yfir höfuð að það sé einhver vond lykt,“ sagði Lína Björg Sigurgísladóttir um málið.
„Þú átt að vilja að flokka fyrir umhverfið, við kaupum ruslapoka, þetta er alveg eins,“ sagði Árný Margrét Agnarsdóttir í þræðinum.
„Hvað heldur fólk að það græði á að sleppa því eða að hætta að flokka? Og hver er munurinn á að kaupa pappapoka á 10kr eða gamla bonusplastpokann sem allt rusl for hér áður fyrr í á 15kr?,“ spyr María Rún Þorsteinsdóttir.
Rúnar Svavarsson segir einfaldlega: „Èg ætla að brenna allan úrgang.“