Leyndarhjúpur er yfir meintri líkamsárás Óttars Pálssonar hæstaréttarlögmanns.
Mannlíf hefur heimildir fyrir því að verslunarmaðurinn Reynir Berg Þorvaldsson hafi ætlað að leggja fram kæru hjá lögreglunni á höfuðborgarsvæðinu, þann 27. október síðastliðinn. Ekki hefur Mannlíf náð sambandi við Reyni Berg, þrátt fyrir ítrekaðar tilraunir. Lögreglan segist ekkert geta staðfest, enda bundin trúnaði. Því er ekki hægt að staðfesta hvort kæran hafi verið lögð fram eða ekki.
Sjá einnig: Meint fórnarlamb Óttars pantaði tíma hjá lögreglu- Fjölskylduharmleikur undanfari átaka
Óttar Pálsson, hæstaréttarlögmaður og einn eiganda Logos lögmannsstofu er sagður hafa ráðist með á Reyni Berg í verslun þess síðarnefnda fyrir nokkru, sem kallaði til lögreglu eftir hina meinta árás og leitaði síðan á bráðamóttöku til að fá áverkavottorð. Ágreiningur mannanna snýst um nána vináttu Óttars og eiginkonu Reynis. Þau eru meðeigendur að lögmannsstofunni Logos. Óttar sendi frá sér yfirlýsingu á dögunum þar sem hann neitaði sök í málinu og sagði að lýsingin á atvikinu séu „að verulegu leyti ósannar“. Hann tekur ekki fram í hverju ósannsöglin sé falin. Mannlíf sendi Reyni fyrirspurn um það hvort náðst hafi samkomulag um skaðabætur en hann hefur engu svarað.
Sjá einnig: Óttar rauf þögnina og segist saklaus í árásarmáli: „Ég hafna hvers kyns sökum sem á mig eru bornar“