Föstudagur 25. nóvember, 2022
7.1 C
Reykjavik

Magga Frikka um skólakynfræðslu: „Einungis pervertar vilja ræða kynlíf og sjálfsfróun við börn“

Helgarviðtalið

- Auglýsing -

Orðrómur

- Auglýsing -

Baráttukonan og ritstýran Margrét Friðriksdóttir er aldeilis ósátt við þá tillögu að gera þurfti stórátak í kynfræðslu á öllum skólastigum, jafnt hjá börnum sem og unglingum. „Einungis pervertar vilja ræða kynlíf og sjálfsfróun við ung börn sem hafa hvorki vit né þroska á þeim málefnum,“ segir hún ákveðin.

Ástæðan fyrir upphlaupi ritstýrunnar að þessu sinni er nýleg grein Þóru Geirlaugar Bjartmartsdóttur, grunnskólakennara og stjórnarkonu í Kynfræðifélagi Íslands. Sú síðarnefnda er þeirrar skoðunnar að góð kynfræðsla á öllum skólastigum skipti sköpum.

Þóra Geirlaug grunnskólakennari.

„Kynfræðslu þarf að auka, það þarf að gera stórátak í kynfræðslu á öllum skólastigum, kynfræðsla þarf að vera skyldufag, börn og unglingar þurfa kynfræðslu frá unga aldri. Hópar sem hljóta öfluga kynfræðslu eru líklegri til að lifa góðu og heilbrigðara kynlífi og eru ólíklegri til að beita kynferðisofbeldi, það hlýtur því að vera til einhvers að vinna að sinna fræðslunni vel,“ segir Þóra og gagnrýnir á sama tíma marga kennara fyrir að sinna illa málefninu:

„Því miður er það enn of víða þannig að kennarar kasta málefninu á milli sín og of margir treysta sér ekki til að taka kynfræðsluna fyrir.“

Eins og áður segir hefur Margrét ýmislegt að athuga við grein og fullyrðingar Þóru. Hún mótmælir því harðlega að kynfræðsla verði færð niður á neðri skólastig. „Kynfræðsla á að byrja á kynþroskaskeiðinu þannig hefur það alltaf verið og hefur gengið ágætlega fram að þessu. Börn eiga að fá að vera börn í friði, og þetta flokkast undir áreiti, barnavernd ætti að fara í málið og rannsaka pervertana nánar,“ segir Margrét.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -