Miðvikudagur 22. júní, 2022
7.8 C
Reykjavik

Mosfellingar með fólk á öllum aldri – ,,Miðflokkurinn – Fyrir lifandi bæ“

Helgarviðtalið

- Auglýsing -

Orðrómur

- Auglýsing -

Miðflokkurinn sendi frá sér fréttatilkynningu þar sem nýr listi stjórnar er kynntur. Á listanum er fólk á öllum aldri en ber hann yfirskriftina: ,,Miðflokkurinn – Fyrir lifandi bæ“.
Hér að neðan má lesa tilkynninguna í heild sinni:

Miðflokkurinn býður fram lista fyrir komandi sveitastjórnarkosningar í vor með yfirskriftinni ,,Miðflokkurinn – Fyrir lifandi bæ“. Listann skipar fólk á öllum aldri. Uppstillinganefnd Miðflokksins í Mosfellsbæ lagði fram nýjan lista fyrir stjórn deildarinnar í Mosfellsbæ sem samþykkti hann og á opnum deildarfundi félagsins í Listasal Mosfellsbæjar 24. mars síðastliðinn og var hann samþykktur þar. Síðar var hann tekinn fyrir í stjórn Kjördæmafélags Miðflokksins og samþykktur samhljóða.

Oddviti listans er Sveinn Óskar Sigurðsson bæjarfulltrúi Miðflokksins í Mosfellsbæ. Örlygur Þór Helgason kennari og varabæjarfulltrúi flokksins skipar annað sætið, Sara Hafbergsdóttir, rekstarstjóri þriðja og fjórða sætið skipar Helga Diljá Jóhannsdóttir dýralæknir.

Á síðasta deildarfundi félasins var kynnt stefnan sem byggist á eftirfarandi: (1) Börn og barnafólk í forgrunn. Stórefla á mennta- og íþróttamál í bænum. (2) Fólk í forgang, ekki á biðlista. Unnið verður að raunverulegri farsæld og velferð fyrir öll börn, fatlaða, öryrkja og eldri borgara. (3) Sundabraut í forgang. (4) Skipulagsmál og stjórnsýsla gerð skilvirk. (5) Urðun hætt í Álfsnesi. (6) Fjármál sveitarfélagsins tekin til skoðunar. (7) Þéttingastefnan endurskoðuð. (8) Öryggi bæjarbúa eflt og umhverfið sett í öndvegi.

Miðflokkurinn er heilsteyptur flokkur og stendur við gefin fyrirheit. Lista flokksins fyrir næstkomandi sveitastjórnarkosningar skipar venjulegt, vel meinandi og heilsteyptur hópur fólks á öllum aldri. Meðalaldur listans er 53 ár, sá yngsti á listanum og skipar 5. sæti er 19 ára og sá elsti 77 ára. Konur skipa 45% af listanum, karlar 55%.

Orð frá frambjóðanda í 5. sæti.

- Auglýsing -

Vil taka þátt í samfélaginu

Með þátttöku minni í framboði Miðflokksins vil ég taka þátt í samfélaginu í Mosfellsbæ, tryggja faglega umræðu og virðingu fyrir bæjarbúum, þörfum þeirra, væntingum og velferð. Ég mun leggja áherslu á að ungt fólk fái notið sín í samfélaginu okkar, að eldra fólki sé tryggð velferð og að skólarnir, bæði leik- og grunnskólar verði enn betri en í dag. Fræðslumál þurfa í meira mæli að snúa um tækifæri ungs fólks og hæfni þeirra til að koma sér fyrir í flóknum heimi. Því verðum við að styrkja skóla og þær stofnanir sem æska landsins byggir velferð sína á.

Helga Diljá Jóhannsdóttir, dýralæknir, skipar 4. sæti á lista Miðflokksins í Mosfellsbæ

- Auglýsing -

Kjósendur geta treyst Miðflokknum

Sveinn Óskar Sigurðsson, núverandi oddviti Miðflokksins og bæjarfulltrúi, leiðir lista Miðflokksins fyrir næstkomandi sveitastjórnarkosningar. Hann hefur lagt mikla áherslu á að fjármál bæjarins verði endurskoðuð en skuldir bæjarins aukast nú ár frá ári sem hlutfall af tekjum bæjarins. Án hagkvæms rekstrar bæjarins er ekki hægt að koma til móts við bæjarbúa og tryggja betri þjónustu. ,,Ég vil benda á að bæjarbúar hafa horft upp á að viðhaldi skólabygginga hefur verið ábótavant og ábendingar mínar um slíkt komu fram strax í upphafi kjörtímabilsins. Hefði ekki verið ýtt hressilega við meirihlutanum hefði lítið sem ekkert gerst og verkinu er ekki lokið.“.

Fyrir síðustu kosningar var lögð áhersla á gjaldfrjálsar skólamáltíðir, a.m.k. fyrir yngri deildir, og hefur ekki tekist að ná slíku máli í gegn vegna andstöðu meirihlutans í Mosfellsbæ sem segist veita börnum og aðstandendum þeirra ölmusu með niðurfellingu krafna vegna innheimtu fyrir skólamáltíðir ár hvert. Þessu verður að taka á og breyta. Miðflokkurinn kallaði eftir fullkomnu fjölnota íþróttahúsi á kjörtímabilinu en meirihlutinn byggði dúkahús sem þegar er farið að sjá á og kominn leki að. Við kölluðum eftir gjaldfrjálsum Strætó fyrir börn og eldri borgara en það vita allir að það mun geta leitt til betri nýtingu á tómum vögnum byggðarsamlagsins sem aka um borg og bý. Við lögðum einnig áherslu á fjölþættum úrræðum fyrir börn og gæðaeftirliti í skólastarfi, þ.e. sérstaklega sem snýr að hljóðvist ofl. Oddviti Miðflokksins í Mosfellsbæ situr nú í fulltrúaráði Eirar og hefur komið fram þar með athugasemdir sem hafa m.a. komið fram á aðalfundi þess ráðs varðandi uppgjör við aðstandendur og eldri borgara. Því verkefni er að ljúka. Miðflokkurinn kallaði eftir algjörri uppstokkun hvað fjármál bæjarins varðar en því miður virðist stefna í enn meira óefni í því efnum hjá meirihlutanum. Miðflokkurinn kallar enn eftir því að bæta öryggismál í Mosfellsbæ en svo virðist sem ferðum löggæslunnar í bænum hafi fækkað mikið. Við lögðum þá áherslu á að setja íslensku í öndvegi í skólum og fá leikara og fagfólk á þessu sviði í enn frekara átak á þessu sviði. Við viljum sjá tónlistar- og menningarhús á byggingaáætlun og höfum tekið þátt í að gera upp Hlégarð. Komið hefur fram að reisa á menningarhús og e.k. kirkju með ,,færanlegu altari“, sem virðist vera allt annað en áformað var, þ.e. kirkja. Að auki lögðum við áherslu á skipulagsmálin sem eru enn í ólestri í bænum.

Allt þetta sem að framan er getið er enn á stefnuskrá okkar í Miðflokknum. Við höfum lagt áherslu á þessa þætti allt síðasta kjörtímabil. En á meðan Miðflokkurinn nær ekki að komast í meirihluta mun málum vera háttað eins og núverandi meirihluti í bænum leggur upp með, þ.e. fyrir utan það í málefnasamningi hans sem þeir standa ekki sjálfir við.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -