Ómar Ragnarsson skemmtikraftur og fyrrum fréttamaður skrifar um uppbyggingu laxeldis á landi í nýrri færslu á bloggsíðu sinni.
Segir Ómar að í fjöldi ára hafi margir talið ómögulegt að koma landeldi á laxi upp með góðum árangri hér á landi.
„Árum saman var það viðkvæðið þegar unnendur hins villta íslenska lax töluðu fyrir því að hverfa frá sjóeldi til landeldis, að engir möguleikar væru á slíku.“
Sagði Ómar ennfremur að þeir sem töluðu fyrir landeldinu hafi mætt gagnrýni.
„Þeir sem töluðu þá fyrir landeldinu voru taldir berjast gegn atvinnuuppbyggingu og gegn landsbyggðinni.“
Að endingu bendir Ómar á nokkrar fréttir af landeldisstöðvum á mbl.is í dag og segir þetta athyglisverðar fréttir, sé fyrri umræða höfð í huga.
„Í mbl.is í dag blasa við nokkrar fréttir af þessum málum, stækkuð landeldisstöð í Öxarfirði, – fyrirhuguð 40 þúsund tonna landeldisstöð á Reykjanesi – og það, að verið sé að „hreinsa Reyðarfjörð“ vegna veirusýkingar í sjóeldislaxi þar.
Athyglisverðar fréttir í ljósi fyrri umræðu.“