Fimmtudagur 22. september, 2022
7.1 C
Reykjavik

Rikki G spyr hvað sé í gangi hjá Óla Jó eftir rysjótta reið: „Er honum bara orðið alveg sama?“

Helgarviðtalið

- Auglýsing -

Orðrómur

- Auglýsing -

Valsmenn hafa ekki riðið feitum hesti í fótboltanum hér heima að undanförnu; liðið hefur ekki uppskorið sigur í síðustu fjórum leikjum í efstu deild karla; tapað síðustu tveimur.

Óhætt er að segja að tap liðsins gegn Leikni í gær, 1-0 gegn Leikni Reykjavík, sem er í harðri fallbaráttu og var manni færri stærstan hluta leiksins, hafi komið verulega á óvart; Leiknir tapaði gegn Víkingi í umferðinni á undan, með níu mörkum gegn engu. Þá er ekki langt um liðið síðan Valur tapaði gegn Breiðablik.

Farið var yfir stöðu Valsmanna í Þungavigtinni í gærkvöld.

Ríkharð Óskar Guðnason þáttastjórnandi – þekkari sem Rikki G – segist hafa átt spjall við leikmann Vals í gær. Sá leikmaður tjáði Ríkharð að daginn eftir tapleikinn áðurnefnda gegn Breiðablik hafi verið spilaður golfhringur:

Óli Jó.

„Endurheimtarleikur Vals daginn eftir leik var átján holu golfhringur. Mörgum fannst þetta skrýtið, að þetta væri endurheimtin, en ekki það að fara yfir það sem þyrfti að bæta,“ sagði Ríkharð; einnig að engar línur hafi verið lagðar fyrir leikmenn félagsins fyrir tapleikinn gegn Leikni í gær:

„Það var ekkert slíkt fyrir leikinn gegn Leikni. Það var enginn hittingur, menn mættu bara upp á völl eins og þriðju eða fjórðu deildarlið. Þetta hlýtur að segja manni að Óli Jó verði ekki þarna eftir tímabilið. Er honum bara orðið alveg sama?“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -