Ólöf Bjarki Antons, formaður Trans Ísland segir mun vera á kyngervi og aldur, fötlun og kynþætti.
Sjá einnig: Vitlaust fólk í réttum líkama: „Ef ég segist vera svertingi, eiga allir að virða mig sem slíkan?“
Kristján Hreinsson ljóðskáld kastaði sprengju á Facebook í dag með færslu sem túlkuð var sem andúð á transfólki. Þar sagði hann meðal annars: „Ég segist hafa fæðst í röngum líkama. Ef mér finnst ég vera unglingsstúlka á ég þá að fá samþykki samfélagsins – án tillits til aðstæðna? Ef ég segist vera blindur, á ég þá að fá að vera blindur? Ef ég segist vera svertingi, eiga þá allir að virða mig sem slíkan? Ef ég segist vera lamaður á ég þá að fá hjólastól?“
Mannlíf heyrði í Ólöfu Bjarka Antons, sem gegnir formennsku Trans Íslands og spurði hán út í færslu Kristjáns. Ólöf hafði ekki lesið pistilinn en eftir að blaðamaður Mannlífs las part úr færslunni sagði hán: „Við höfum ekki verið að svara einstaka pistlum enda gerðum við þá ekkert annað. En svona almenna svarið væri að kyngervi fólks er félagslega mótað, aldur og fötlun er það ekki eða kynþáttur. Það er munurinn.“