2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Talað fyrir daufum eyrum – Á bara að hlusta á ungt fólk þegar það hentar?

Ungir umhverfissinnar halda viðburð í dag til að vekja athygli á órökstuddri stefnubreytingu stjórnvalda varðandi Heilbrigðiseftirlit sveitarfélaga. Ekki hefur farið fram faglegur samanburður sem kveðið var á um í lagasetningu árið 2017.

Viðburðurinn fer fram í Iðnó Vonarstræti 3 í Reykjavík og stendur frá kl. 17.00-1.40.

Samkvæmt tilkynningu frá Ungum umhverfissinnum felur stefnubreytingin meðal annars í sér að:

  1. Flækja starfsumhverfi Heilbrigðiseftirlits sveitarfélaga með óskilvirkri aðkomu Umhverfisstofnunar, þannig að fyrirtæki þurfi að eiga samskipti við tvær stofnanir í stað einnar.
  2. Afnema í sumum tilvikum þá venju að úttekt sé gerð á rekstri áður en starfsemi hefst, sem eykur áhættu fyrir umhverfi, heilsu almennings og réttarstöðu rekstraraðila.

Ungir umhverfissinnar hafa í tæp tvö ár reynt að benda Umhverfis- og auðlindaráðuneytinu á vankanta stefnubreytinggarinnar og verklags innan ráðuneytisins, sem virðist stýrast af geðþótta frekar en faglegum rökum. Samtal hefur átt sér stað en ekki hefur verið tekið mark á ábendingum. Þá hefur rökstuðningur verið af skornum skammti og meðal annars verið gefið í skyn að stefnubreytingin sé vegna Evróputilskipunar (2010/75/ESB) en það er ekki rétt.

Á viðburðinum verður málið kynnt á einfaldan hátt og allir eru velkomnir.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum