Vél Icelandair með 70 farþega frá Veróna á Ítalíu lenti á Keflavíkurflugvelli í gær klukkan 17:11. Þrír úr fluginu hafa greinst með COVID-19-smit.
Fjöldi smitaðra er því 58 talsins, þar af 10 innanlandssmit.
Mikill viðbúnaður var á Keflavíkurflugvelli vegna komu farþegann í gær. Upplýsingafulltrúi Icelandair greindi frá því í vikunni að sérstökum verkferlum landlæknis og sóttvarnarlæknis verði fylgt í fluginu. Tveir flugmenn og fjórar flugfreyjur koma með vélinni. Flugfreyjurnar fjórar eru einnig hjúkrunarfræðingar. Ekki verður boðið upp á almenna þjónustu í fluginu og mun áhöfnin klæðast hlífðarfatnaði.
Hátt í 500 manns eru nú í sóttkví hér á landi.
Sjá einnig: 70 Íslendingar koma til landsins frá Veróna í dag – Mikill viðbúnaður vegna komu hópsins