Róbert nokkur spyr nágranna sína í Langholtshverfi á Facebook hvort fleiri hafi orðið fyrir því að stungið sé á dekk þeirra. Hann segist sjálfur hafa lent í þessu í gær.
„Hæ allir. Í gærkvöldi hefur einhver/einhverjir stungið 3var sinnum með hníf í framdekkið á bílnum okkar í Álfheimum. Hefur einhver eða einhverjir verið að lenda í þessu?“
Ein nágrannakona hans segist hafa lent í svipuðu. „Hef ekki lent í þessu nei… en einn hurðahúnninn á bílnum mínum var rifinn af í Efstsundi,“ segir hún.
Önnur kona segir þetta ekki nýtt af nálinni. „Það var víst stungið á fullt af dekkjum hér á Laugarásveginum fyrr í vetur,“ segir hún.
Vignir nokkur gefur svo í skyn að mælirinn sé að verða fullur. „Við förum bara að vígbúast hér í 104,“ skrifar hann.