Miðvikudagur 5. október, 2022
5.8 C
Reykjavik

Jóna orðlaus eftir sannan jólaanda nágranna: „Varð bara klökk þegar ég sá þetta“

Helgarviðtalið

- Auglýsing -

Orðrómur

- Auglýsing -

Jóna Aðalheiður Vilhjálmsdóttir, íbúi í smáíbúðahverfinu, varð klökk yfir sönnum jólaanda sem nágranni hennar sýndi. Viðkomanda laumaði jólasendingu til Jónu með fallegri orðsendingu fyrir jólin.

Jóna segir frá hinni fallegu sendingu inni í hópi hverfisbúa á Facebook. „Mikið á ég yndislega nágranna. Takk takk, kæri granni, varð bara klökk þegar ég sá þetta. Sannur jólaandi,“ segir Jóna.

Augljóst er að Jóna sjálf hefur glatt margan nágrannann á liðnum árum ef marka má umræðuna sem skapaðist undir færslu hennar og sjálfa orðsendingu hins hugulsama nágranna. Á korti sem fylgdi með sendingunni stóð nefnilega:

„Hæ kæru grannar. Ég er íbúi í Mosagerðinu og þið gleðjið mig svo mikið á ári hverju með svona vel skreyttu húsi. Takk fyrir það! Gleðileg jól.“

Ingólfur tekur undir orð nágrannans því hús Jónu hefur einnig glatt hann og fjölskylduna á liðnum árum. „Vel gert. Ég hef labbað og keyrt þarna framhjá á lúshraða með krakkana í mörg ár. „Megum við fara að skoða jólahúsið?“ er árleg spurning,“ segir Ingólfur.
Ása gleðst líka yfir framtakinu. „En dásamlegt, held að þið gleðjið ansi marga með fallega skreyttu húsi,“ segir Ása.
Það gerir María líka. „Tek undir þessi orð TAKK fyrir að gleðja okkur í hverfinu og koma inn jólastemningu og jólaanda,“ segir María. Og Jón tekur heilshugar undir. „Takk fyrir skreytingarnar. Þið eruð orðin miklir áhrifavaldar. Smáíbúðahverfið er að breytast í algjört jólaþorp,“ segir Jón.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -